A7La AS7aB
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة
منتدى احلى اصحاب
الاخوة الصادقة
اخوه فى الله - ممزوجة بالايمان
ندعوك للتسجيل معنا فى المنتدى واضافة لمستك الجميلة فية
شكرا
ادارة المنتدى



 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ليه البنت بتحب تتعاكس؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
elking

avatar

عدد المساهمات : 351
ترتيب احسن زائر فى المنتدى... : 0
تاريخ التسجيل : 28/07/2010
العمر : 24
الموقع : RLOVERS.7ABIBOMRI.COM

مُساهمةموضوع: ليه البنت بتحب تتعاكس؟؟    الجمعة نوفمبر 12, 2010 12:04 am

ليه البنت بتحب تتعاكس

ليه البنت بتحب تتعاكس
سؤال كثير مايتسائله الشباب للبعض بس الجواب ما تلاقـيه إلا عـند فئه من البنات ...

السؤال :- ليه كـثير من البـنات تـحب أنها تـتـعاكس وتشعر بالرضى عن نفسها أو تحس انها فرحانه وقتها ,, وتختار أماكن عارفه انها مليانه بالشباب عشان تلفت انتباههم عشان يعاكسونها ؟؟؟


( رأيي المتواضع )
الإجابه بصراحه عشان هذا النوع من البنات ما عندهم ثقه بالنفس ويعانوا من ضعف الشخصيه ويحاولوا التعويض عن طريق لفت الأ نـتـباه ويستخدموا بعض الشباب التافه عشان يحسسوهم بأنهم حلوين وجذابين ومهما أتعاكست ولو بشكل يومي ما تحس بالشبع

وبعض الأحيان تضطر بعض البنات للكذب قدام صديقاتهاا عشان تبين قدامهم انها جميله ومحبوبه.
وتقول مثلا :- اليوم كنت بالسوق وما سابوني الشباب بحالي ورايا من مكان للتاني .....او انها تقول اووووف الصراحه اليوم الشنطه كانت غرقانه كروت يا بنات نسيتها مفتوحه بالغلط واتفاجأت بالبيت


والسؤال هو ليه كـثير من البـنات تـحب أنها تـتـعاكس ؟؟؟؟


عاوزة رائ اليهدولايه في الموضوع ده

بجد الموضوع ده شاغلنى اوى وفعلا نفسي الاقيله اجابه

مثلا واحد بيسال حبيبته بيقولها حبيبتى روحتى فين النهرده

تقولوا والله ياحبيبي روحت اجيب كذا وكذا بس كان فيه شاب

مش عاوز يسيبنى وماشي وريا وكل اما اروح في حته يجي

ورايا ولو فهمنا الموضوع صح هنلاقي ان البنت دى هى اللي

ضحكت للولد الاول ام حتى ردت عليه بكلمه خليته يتعلق

ويعرف انها موافقه انها تكلمه طب ليه طالما بتحبى واحد

وبتحترميه تضحكى لواحد تانى وتخليه يمشي وراكى

طب ليه يعني مثلا من يومين واحد معانا علي المنتدى هنا

سالنى سؤال بصراحه معرفتش اجاوب عليه وحاولت اتوه

في الموضوع سالنى قالي

((((كم واحد عاكسك وانتى ماشيه )))))))))

طب والنبي ده يترد عليه اقولوا ايه اجاوب عليه بايه اصلا

والموضوع ده بقي كتير اوى

في المراكز التجارية والمطاعم او حتى الاماكن العامة تكون هناك صور متكررة من وجود بنت

او اكثر وهناك مجموعة من الشباب يقوموا بمعاكستها وهيا في قمة سعادتها..

بنات تمشي وتقول ابغى احد يعاكسني والوجه المكشوف بكامل زينتها ولا العباية اللي تخليك

تقول لو مشيت بطولها ابرك والجوالات في يده وتقول اكيد انها رايحه فرح مهم وبالصدفة يجي

نظرك على وجهها وتلاقي فمها 5-8 سم واول ما تشوف شباب يبدأ الفم بتغيير الزاوية ولما

تتعاكس وتلاقي اهتمام يوصل الامر الى انه يكون فمها 50-60 سم للاسف الشديد وما يخيف

لو كنت تتجول في المراكز التجارية انك انت ممكن تتعاكس من بنت..

على ايامنا كان يلفت انتباهنا ف البنت ادبها وحشمتها لدرجة انك ممكن ما تسمع صوتها واما

الان الوضع مختلف وتقدر تفصلها بسهولة وما راح اخوض بتفاصيل ايش ممكن تكون نهاية

الطريق هذا..


عند الرجال اعتقاد وربما يعرفه البنات ان الرجل لا يرتبط بالبنت اللي كان بينهم علاقة


أسئلة

س1: ممكن نتوقع انه يجي اليوم اللي البنت تخطب الولد؟.

س2: ممكن الراجل يجلس في البيت وتنعكس الصور؟.

س3: هل يعتبر ما نشاهد من صور مؤلمة تحرر؟.

س4: عندك بنات كيف راح يكون تعاملك معاهم وهل يوصل بيك الامر انك ما تخرجهم؟.




طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .

* رأي البنات
تقول شريهان محمود بكالوريوس رياض أطفال أكره المعاكسات موت وبكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
أما سامية فؤاد محاسبة فتقول : والله معظم مرتبي بصرفه في تاكسيات المخصوص
علشان أرحم نفسي من شباب النواصي وبعدين أنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
وتقول شذا متولي : بصراحة أنا ما بحبش المعاكسة لكني فاكرة ان شاب عاكسني
فضحكت وكان طبعا غصب عني لاقيته خارج من زجاج عربيته وبيقولي . . أكيد ماما كانت
نحلة علشان تخلف العسل ده . . ومرة تانية كنت لابسة طقم احمر ولاقيت مجموعة شباب
زفوني أهلي . . أهلي .
وتقول إيناس بدري معدة إذاعية
الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .
أما كامليا رائد 25 سنة فتقول : كنت مرة مع ماما خارجين وبعدين لفت نظر ماما واحد قد
والدي في السن بيراقبنا في الرايحة والجاية وبدأ في معاكستي واستفزازي فما كان من
ماما إلا أنها خافت جدا وأخدت رقم العربية واتجهت إلى أقرب قسم شرطة وحررت له
محضرا وهنا تم استدعاؤه لكنه طلع راجل مسئول وواصل قوي وطبعا اتقلب المحضر ضدنا
وطلعنا احنا اللي بنعاكسه ودفعنا غرامة مالية بعد أن قرر التنازل ومن ساعتها بتعاكس ولا
بقول كلمة واحدة ياللا خلي الشباب يعيش علشان خاطر مراهقة المسئولين اللي زيه .

* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .
أحمد سالم - مرشد سياحي - يقول ك
طبعا ملبس البنت يستفزنا ( واخدين بالكم المعاكسة اضطرار ) قلت الملبس ده حرية
شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس .
فهمي فؤاد .. دكتور صيدلي - يقول : أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد
على المعاكسة بيعاكس حتى المحجبات أنا عندي صديق غاوي يعاكس المنقبات . .ده
سلوك فردي لا يحركه تصرف الغير . . دي مبررات خايبة للشباب المستهتر .
محمود رحيم .. معهد تكنولوجيا يقول : احناما بنفرقش في المعاكسه بين محجبة وغير
محجبة المعاكسة روشنةبنعملها أثناء تجمعاتنا الشبابية . .يعني بنساعد بيها بعض . . لكن
لما اكون بمفردي مش ممكن أعاكس !!



ياريت بجد اعرف ايه رائ البهدلاويه في الموضوع ده

وسوؤالي هو

ليه البنت بتحب تتعاكس؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rlovers.7abibomri.com
magic

avatar

عدد المساهمات : 82
ترتيب احسن زائر فى المنتدى... : 10
تاريخ التسجيل : 20/12/2010

مُساهمةموضوع: رد: ليه البنت بتحب تتعاكس؟؟    الثلاثاء ديسمبر 28, 2010 1:28 am

اولا من رايى انا وكل واحد له وجهه نظر .....مفيش حاجه اسمها ليه البنت بتحب تتعاكس ....
اولا البنات بتحب تلبس كويس ودى حاجه طبيعيه وعاديه ومعروفه ومش عيب ...العيب علينا احنا الشباب اللى نسى دينه وربه
وخرج عن كل سنن الرسول صلى الله عليه وسلم
بس عشان مش نحكم على السباب برده بيبقى فيه الكويس وفيه الوحش والوحش هو اللى بيعاكس
...اما البنات ربنا يهديهم ويفكره شويه فى دينهم وازاى يفكروا يلبسوا ملابس تليق بالدين الاسلامى
ولا ننسى كلنا شباب ام بنات
ان فى يوم قيامه وفى حساب على كل كبيره وصغيره
وتوب الى باريئكم واستغفروه
ان الله غفور رحيم
تحيااااااااااااااااااااتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kind heart



عدد المساهمات : 67
ترتيب احسن زائر فى المنتدى... : 10
تاريخ التسجيل : 11/01/2011

مُساهمةموضوع: رد: ليه البنت بتحب تتعاكس؟؟    الثلاثاء فبراير 08, 2011 12:43 am

تويبك رائع وانا مع المجيك فى الكلام الى هو كتبه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely girl



عدد المساهمات : 64
ترتيب احسن زائر فى المنتدى... : 10
تاريخ التسجيل : 12/02/2011

مُساهمةموضوع: رد: ليه البنت بتحب تتعاكس؟؟    الجمعة مارس 04, 2011 11:24 pm

وليه متقولش ليه الولد بيحب يعاكس ها سوري يعنى بس دى الحقيقه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القلب المنكسر



عدد المساهمات : 35
ترتيب احسن زائر فى المنتدى... : 10
تاريخ التسجيل : 27/01/2011

مُساهمةموضوع: رد: ليه البنت بتحب تتعاكس؟؟    الأحد مارس 06, 2011 1:10 am

ما افتكرشى ان دة منطبق على البنات كلها لان البنت ما بتحسش انها مبسوطة جدا الا لما تتخطب ودة دليل ان البنات او يعنى بعضهم ما بيفكرشى انة يتعاكس ولكن من رايى ان البنات الى بتحب انها تتعاكس علشان نفس راءك ترضى غرورها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليه البنت بتحب تتعاكس؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
A7La AS7aB :: منتدى ادم وحواء :: اسرار البنات-
انتقل الى: